Parat III
Langevåg
Belle
Bølandet
Bjørkedalsfæring
Gjerdsvika
Blåa Offshore
Ulsteinvik
M/K Havlyd
Stranda
av Knutsen Info
Fantastisk Trebåtfestival 2008!
Lagt inn 17.11.2008 av Johannes Knutsen
Årets trebåtfestival vart ein kjempe suksess! Publikumsoppmøtet var formidabelt, veret var strålande, antallet tilreisande båtar sprengde alle rekordar, og stemninga var på topp!
Festivalen hadde eiga festival avis som vart distribuert som vedlegg til Regionavisa, samt utdelt til deltakarar på festivalen. Last ned avisa her : FESTIVALAVIS
I galleriet kan du sjå bilder frå årets festival! GALLERIET
Festivalen vart opna av "kystdirektøren" (Cecilie Pedersen) frå Dimnarevyen, dei stod også for tre andre innslag der det mellom anna vart ein storkrangel mellom "Ullaholm" (Svein Børre Dimmen) og "M/B Fløtten" (Ole Sande).
Messeområdet var ope heile festivalen og bestod av Båtmesse: Xl marin - ProAs Bilmesse:Ålesund Bil, Oscar Rørhus, Bertel O Steen, Ulstein Bil, Standar: Ulstein bil ATV, Grillhyttekompagniet, Infraraude badstuer (Odd Idar Garnes) Servering: Thai mat, Filipinsk mat, Potetbakern, Festival grill. Butikkane i sentrum heldt seinope til kl 19.00 torsdag, kl 22.00 fredag og 16.00 laurdag
Per Hillesund frå forbundet Kysten hadde eit flott innlegg om arbeidet til forbundet Kysten, og gav det nyskipa Ulstein Kystlag ein god start. Det vart notert ned navn på 12-15 stk som er interesserte i å vere med i kystlaget.
Jogeir&Jonny spelte til dans om kvelden, og allereie frå torsdag var det god stemning i teltet.
Streetparada på fredagen vart også ein kjempe suksess! Alle i Ulsteinvik fekk nok med seg at no var det festival! Musikarane, dansarane og amcar bilane laga ei flott steming i sentrum! Parada var forsterka med Vidar Sæther, saksofonist i "Funky Butt" saman med Roar Sæther på tuba, Helge Nordstrand på trompet, og Kim Erik Lillestøl på trommer. Desse holdt også ei flott konsert i festivalteltet etterpå!
Bluesbandet Gaspilot, beståande av Ståle Dimmen, Bertil Tødenes og Martin Folldal, leverte som forventa varene, og det vart ein blå og groovy kveld for alle dei som hadde møtt fram.
Laurdag vart ein forrykande dag, på alle måtar. Kaptein Blåtann, palleløp og tasjansen fylde sentrum til brestepunktet med folk. Kaotiske tilstandar er vel bekreftelsen på ein vellykka festival?
Bursdagsfeiringa til Kaptein Blåtann (Ole Sande) samla 800 born og vaksne i Blåhusgarasja, etter at han kom seilande i land med skuta "Anna Olava", hjelparen Kolbein (Richard Vattøy) måtte gå planken etter at Kaptein Blåtann var heller missnøgd med roinga.
Magnus Aksnes vann Ein Acer Aspire One fra AR Data i palleløpet, Quality Ulstein Hotel vann flotte skipperhuer irokonkurransa. TaSjansen vart vart vunne av seXBow som fekk 2 stk Ipod Nano fra Elkjøp, med Bendik Wærdal, Dagfinn Moldskred og Kent Narve Garshol med tida 12.78 sekund. Publikumsprisen gjekk til Gerhard og Karsten Heimland med båten "Haien" og vann fiskeutstyr frå Intersport, og fiaskoprisen til Vegard Stranden m/fleire med båten "Postmann Pat" som vann førstehjelpspute fra Aliance Apotek.
Båten Sea Chaser fra Molde vant kåra til årets trebåt, kunne ta med seg eit bind av "Den Norske Los" frå Eiken Libris.
Klypa showet trekte over 800 personar, og det vart skikkeleg trangt om plassen i teltet. Det vart eit forrykande show, og Palle og Kjellen ga publikum det dei ville ha!
Dansen med Five Beats var også veldig godt besøkt, og i planane for neste år må vi nok legge inn ei løysing for større kapasitet i teltet!
Festivalen vart avslutta med ei flott friluftsgudstjeneste på Borgarøya. 50-60 personar hadde funne vegen til Borgarøya, og heile arrangementet vart som teke ut av eit postkort i det flotte sommarveret!
Programmet for festivalen 2008:
Torsdag 14. august
16:00 Messeområdet opnar
Båtmesse: Xl marin - ProAs Bilmesse:Ålesund Bil, Oscar Rørhus, Bertel O Steen, Ulstein Bil Standar: Ulstein bil ATV, Grillhyttekompagniet, Breivik Båt & MC Servering: Thai mat, Filipinsk mat, Potetbakern, Festival grill Båtar, Båtmotorar og maritim stemning. Butikkane opne til kl 19.00
18:00 Opningsfest!
Offisiell opning av trebåtfestivalen. Her blir det mange spennande innslag, og smakebitar på resten av festivalen! Dimnarevyen, trekkspel, orientering frå Forbundet Kysten, ved Generalsekretær Per Hillesund!
19:30 Skipingsmøte Ulstein Kystlag
Ulstein Kystlag vil verte eit lag underlagt Forbundet Kysten, Forbundet KYSTEN er en organisasjon for vern av norsk kystkultur, anten det er med gamle fartøy, bygningar og liknande. Vi oppfordrar alle interesserte i å møte på skipingsmøtet. Det vert valg av styre, samt registrering av medlemmar. Meir info på www.kysten.no. Generalsekretær Per Hillesund i forbundet Kysten, vil vere med på møtet!
22:00 Trubadurane Jonny & Jogeir spelar til dans
Jogeir og Jonny , er to dyktige trubadurar frå Gjerdsvika. Dei lovar oss stor stemning og variert musikk utover torsdagskvelden! Teltet er ope til kl 01.00.
Fredag, 15. august
Båtmesse: Xl marin - ProAs Bilmesse:Ålesund Bil, Oscar Rørhus, Bertel O Steen, Ulstein Bil Standar: Ulstein bil ATV, Grillhyttekompagniet, breivik Båt & MC Servering: Thai mat, Filipinsk mat, Potetbakern, Festival grill Båtar, Båtmotorar og maritim stemning. Butikkane i sentrum held seinope til kl 22.00
15:00 Helikopter sightseeing
Opplev festivalen fra lufta. Nord Helikopter flyg turar frå plenen ved Ulstein Hotell. Varigheit ca 10 minutt. Kr 400 pr prs. frå kl 15.00 til 20.00
16:00 Skulestartshow på Amfisenteret
Give-aways til store og små, flotte premiar og skulestartshow med Petter Wiik.
18:00 Streetparade!
Vi tek turen til New Orleans og Rio de Jeaneiro! Eige streetjazz orkester, med glade jazztonar, dundrande sambarytmar, dansarar, og karnevalstemning! Vi oppfordrar publikum til å vere med i streetparada! Parada går frå Amfi senteret, via Blåhuset og endar i festivalteltet på rådhusplassen!
18:00 Bleieskift konkurranse på Amfisenteret
Den raskaste vinn eit 1/2 års forbruk av Libero bleier!
19:00 JazzKonsert i festivalteltet
Streetparaden endar teltet med påfølgande jazzkonsert, med bl.a. elevar frå musikklinja på fagerlia,
20:00 Foredrag om Maritim Kystkultur
Foredrag om maritim kystkultur i festivalteltet.
20:00 GRATIS rekefest på Amfisenteret!
Amfisenteret inviterer til gratis rekefest mellom klokka 20 og 22.
22:00 Bluesbandet GASPILOT spelar til dans
Gaspilot består av tre staute karar med brei musikalsk røynsle frå lokalt og nasjonalt plan. Bluesen blei lagt i dei i tidlege ungdomsår gjennom tungt arbeid i skipsindustrien og på gardsarbeid på Søre Møre. Med treboler i hendene etter greip og grev, og brannsår frå sveising, vart dei fyrste blå tonane forma ein gong tidleg på 80-talet. Sidan har den musikalske reisa ført dei til pop, rock, jazz og andre musikkartar i ulike konstellasjonar, men ingen kjem utanom opphavet - bluesen. Gaspilot er eit resultat av erkjenninga om at ein også må dyrke dei sterke blå musikalske kjenslene. Gjennom eit variert samansett repertoar av eige mateiale og låtar av t.d. Jimmi Hendrix, Stevie Ray Vaughan, Jonny Winter, ZZ Top, Cream, John Mayer, Respatexans m.fl., framfører Gaspilot gneistrande elektrisk blues oppblanda med rock, funk og dagleglivets møde. Gaspilot består av f.v. Martin Foldal: djup bass og korsong, Bertil E. Tødenes: tunge trommer og korsong og Ståle Dimmen: song og rufsete gitarar
Lørdag, 16. august
10:00 Rema 1000 frokost
Gratis frokost til alle besøkande i festivalteltet!
10:00 Messeområdet opnar
Båtmesse: Xl marin - ProAs Bilmesse:Ålesund Bil, Oscar Rørhus, Bertel O Steen, Ulstein Bil Standar: Ulstein bil ATV, Grillhyttekompagniet, Breivik Båt & MC Servering: Thai mat, Filipinsk mat, Potetbakern, Festival grill Båtar, Båtmotorar og maritim stemning. Butikkane i sentrum held ope til kl 16.00.
12:00 Helikopter sightseeing
Opplev festivalen fra lufta. Nord Helikopter flyg turar frå plenen ved Ulstein Hotell. Varigheit ca 10 minutt. Kr 400 pr prs. frå kl 12.00 til 18.00
13:00 Kaptein Blåtann kjem iland!
Kaptein Blåtann er 350 år i år, og har derfor meldt sin ankomst til Ulsteinvik. Han har med seg skuta si med både kanoner og sjørøvarar. Frå sjørøvarskuta går han opp til Blåhuset, der det er laga istand bursdagsfeiring i garasja. Alle born, utkledde som sjørøvarar, mellom 0-12 år får gratis pølser og is! Kom å møt ein ekte sjørøvar!
14:30 Rokonkurranse
I fjor vart dette ei heftig konkurranse med både kollisjonar og diskvalifiseringar, med ein humoristisk undertone!
15:30 Palleløp
Raskaste person til å springe på flytandepallar frå kommunekaia til flytebrygga.
16:00 TaSjansen!
Har du ein fantastisk design på lur, eller er det "enklaste ofte det beste"? Dette er uansett sjansen for at du og laget/vennane/vennindene/bedrifta kan ha det skikkelig morsomt under Trebåtfestivalen! Gå inn på "påmelding" her på nettsida for å melde deg på! Kåring av raskaste båt, publikumsfavoritt og fiaskopris.
18:00 Premieutdelingar i festivalteltet
Premieutdelingar for alle konkurransar, samt premiering av flottaste trebåt. TaSjansen: Raskaste båt, Publikumsfavoritt, Fiaskopris Palleløp: Raskaste deltakar (beste av tre løp). Trebåt: Publikumskåring finaste trebåt
19:00 Lukka sponsorarrangement
Vår hovudsponsor Regionavisa vil disponere festivalteltet mellom 19 og 20. Vi vil med dette takke Regionavisa for deira fantastiske innsats for festivalen!
20:00 Klypa Show!
Forrykande show med Palle I Klypa, og Kjell "Kjellen" Bigseth! Førehandsal av billettar. www.billettservice.no / posten kr 200,- + avgift samt salg i døra.
22:00 The Five Beats spelar til dans
The Five Beats såg dagens lys første gong i 1963 og er dermed Sunnmøres eldste aktive band. Dei etablerte seg raskt som ei stigande stjerne på den lokale pop-himmelen. Inspirert av eit aktivt miljø i Ålesund - på den tida omtalt som ”Norges Loverpool” – bestemte Asbjørn, Atle, Roger og Charles (Overå) seg: - No vil også vi starte pop-band ! Shadowsmusikken vart raskt eit av gruppa sine varemerke. Etterkvart kom også fleirstemt sang inn som eit hovedelement. Karane vann eit par regionale talent-konkurransar, og dermed var karrieren allereie i sving. Midt på 60-talet var aktiviteten stor, med opptredenar fjernt og nært. Høgdepunktet i denne første fasen av bandet si historie var utan tvil turneen gjennom Trøndelag og Gudbrandsdalen i 1966, der gutane farta rundt i ein tidstypisk Folkevognbuss fylt til bristapunktet med utstyr, og vart mottekne som heltar kvar dei kom. Hovudgrunnen til at The Five Beats framleis, "after all these years", er eit så vitalt og oppegåande danse-orkester, er musikkgleda og deira spesielle forhold til den "ekte" pop- og rockemusikken frå 60-talet. Sjølvsagt er responsen frå publikum enormt inspirerande! Med The Five Beats på scena er du både sikra å svinge dansefoten og ei glimrande atmosfære! The Five Beats sine jobb-merittar spenner over eit breitt felt. Dei spelar oftast på hotell og på gammalpopklubbar, men gjerne også i bryllaup, danseklubbar, opptreden på NRK i ”Lyden av lørdag” i fjor er også noko karane ser tilbake på med stor glede. Med The Five Beats på scena er kvelden redda, seier ein ivrig gitarist Jogeir Gjerde. The five beats består av Asbjørn Brubakk (vokal), Atle Gjerde (vokal/gitar), Jogeir Gjerde (gitar), Peter Demirov (Tangentar), Lars Olav Ose (Trommer), Roger Røyset (Bass).
Søndag, 17. august
12:00 Temadag på Ishavsmuseet 12.00 - 17.00
Skuter av tre, med mannskap av jern!
12:00 Friluftsgudstjeneste - Borgarøya
Dette er ei fin anledning til å besøke idylliske Borgarøya, enten på turen heim eller som ein flott båttur for lokalbefolkninga. Det vert fleire forskjellige aktivitetar på øya denne dagen, både for vaksne og born. Open kafè! Liturg: Bjørn Losvik Velkomne!
19:00 Funksjonærfesten
Alle som har vore med som funksjonærar under festivalen skal no få si belønning! Alle funksjonærar får itillegg fri adgang til alle våre arrangement! Festivalen er svært avhengig av folk som vil stille opp å gjere ein innsats! Har du lyst å vere med som funksjonær? Ta kontakt med oss!
Vi vil rette ei hjarteleg takk alle som bidreg til å gjere festivalen mogleg!
BIDRAGSYTARAR
Hatløys Målarforretning
Sparebanken Møre
Boligsenteret
Lenco Gulv og Maling
Aliance Apotek
Eiken Libris
Intersport Straumane
Nord Helikopter As / 62 grader Nord
Festivalen 2011
(30.08.2010) Festivalen 2011 vert arrangert 18 - 21 august 2011. Alltid i Veke 33. 2012: 16-19 august, 2013: 15-18 august.
Hovudsponsor Kleven Maritime!
(22.06.2010) Dagens meget gode nyheit er at Kleven Maritime har takka ja til å vere med som hovudsponsor av Trebaatfestivalen 2010! Med dette har vi nådd målsettinga om å få inn 3 hovudsponsorar! Kleven Maritime driv skipsverft i Ulsteinvik og Gurskøy, og er ein stor aktør i den maritime klynga på Sunnmøre, og det er ei stor glede og ære å ha dei med på laget!
Coop Mega
(08.06.2010) Coop Mega er valgt til offisiell leverandør av mat og drikke til Trebaatfestivalen 2010. Som ein del av avtalen skal Coop Mega, servere Mega frokost til alle som gjestar festivalen!
Støtte frå Ulstein Kommune!
(28.04.2010) Vi fekk i dag melding om at Ulstein Kommune ved formannskapet gjev støtte til festivalen. Både direkte økonomisk støtte, og ei overføring til teknisketat for dekning av kostnadar rundt tjenester for festivalen. Dette var ei kjærkoma støtte!
Rolls-Royce med som sponsor!
(23.04.2010) Dagens gladmelding, er at Rolls-Royce er med som sponsor også i år!
Tussa med som sponsor
(21.04.2010) Tussa melder at dei er med som sponsor av Trebtåfestivalen! Vi takkar for bidraget, og ynskjer dei velkomne på laget!
Sparebank1 Hovudsponsor 2010!
(25.03.2010) Sparebank1 Ulstein, bekrefta i dag at dei er med som ein av hovudsponsorane også i 2010! Med slike store og stabile sponsorar i ryggen, er jobben med å lage ein god festival enklare! Tusen takk til Sparebank1 Ulstein!
Nordea sponser festivalen!
(17.03.2010) Dagens gladnyheit er at Nordea er med som sponsor av festivalen!
Ulsmo sponsar festivalen
(16.03.2010) Det er ei glede å melde at Ulsmo er med som stor sponsor også i år! Ulsmo er eit eigedomselskap i Ulsteinvik, som mellom anna eig kjøpesenteret Blåhuset.
Island Offshore med i 2010!
(29.01.2010) Vi har i dag fått bekrefta at Island Offshore er med som hovudsponsor av Trebaatfestivalen også i 2010! Det er veldig kjekt når sponsorar kjem tilbake og vil vere med år etter år! Utan slike hadde det ikkje vore mogleg å lage festival! Tusen takk til Island Offshore! www.islandoffshore.com
Frå Trebåtfestivalen til Trebaatfestivalen
(21.01.2010) Frå no av heiter festivalen Trebaatfestivalen. Dette for å være helt i tråd med domenet, samt bidra til å få ein meir klassisk profil på festivalen. Vi reknar med at dette også medfører at det er lettare å skilje oss ut i frå dei andre trebåtfestivalene i Noreg.
Velkomne tilbake i 2010!
(20.08.2009) Trebåtfestivalen 2010 vert arrangert 19-22 august. Veke 33. Vi takkar for besøket i år, og ynskjer alle hjarteleg velkomne tilbake neste år!
Billettar
(22.07.2009) Billettane til årets arrangement er no lagde ut på www.billettservice.no Du kan gå direkte inn på festivalen si billettside via menyen til venstre på denne sida.
Salg og auksjon av brukt båtutstyr
(14.07.2009) Skipshuggeriet North-West Management vil ha stand under festivalen der dei sel brukt båtutstyr, innreidningsdetaljar, og anna utstyr! Her er det høve til å gjere eit kjempe kupp! Innbytte er også mogleg!
Sparebanken Møre
(29.06.2009) Sparebanken Møre er med som sponsor av Trebåtfestivalen 2009! Velkommen på laget!
Atle Remøy
(18.05.2009) Den etterkvart godt kjende fiskeskipperen og artisten Atle Remøy kjem til Trebåtfestivalen og spelar til dans torsdag kveld. Han har eit heilt nytt reportoar, som består både av sjølvskreven musikk og songar av den store favoritten Elvis! Store Atle Remøy tittlar som "Båt med fabrikk", "Mykje vil ha meir" og " Kjære Angelsen" vert nok også å høyre i festivalteltet, torsdag 13. august. Sjå også www.atleremoey.no
Island Offshore, Hovudsponsor!
(21.04.2009) Island Offshore har takka ja til å vere hovudsponsor for Trebåtfestivalen 2009! Vi har med dett nådd målsettinga vår med å få 4 hovudsponsorar til årets festival! Dette er vi veldig nøgde med, og kan derfor gjere endå meir for å lage ein flott festival. Dei 4 hovudsponsorane er: Regionavisa, Sparebank1 Ulstein, FagVerktøy og Island Offshore. Trebåtfestivalen er meget takknemmelige for støtta frå næringslivet!
Endå ein storsponsor!
(17.04.2009) Investeringselskapet Ulsmo As, har takka ja til å vere med som storsponsor av Trebåtfestivalen 2009! Tusen takk for støtta, og hjelpa med å gjere festivalen endå betre!
Ny storsponsor
(27.03.2009) Ulsteinkonsernet har takka ja til å vere "Storsponsor" av Trebåtfestivalen! Vi er veldig takknemlige for bedrifter som er med å gjere festivalen mogleg!
Salg av sjømat frå M/S Nybakk
(05.03.2009) Ombord på den restaurerte fiskebåten M/S Nybakk frå Raudeberg vert det moglegheit for å smake og kjøpe tradisjonell mat under festivalen! Det vert deira eigen bacalao, rømmegraut laga frå grunnen av, tørrsild, og eit utvalg av klippfisk for salg. Båten vert å finne ved kommunekaia. Sjå ellers websida til M/S Nybakk : http://www.msnybakk.no
Trebåtfestivalen 2009
(21.08.2008) Datoen for neste års trebåtfestival er sett til 13. - 16. august. Vi ynskjer alle velkomne til nok ein Trebåtfestival i Ulsteinvik!
Gode vermeldingar!
(11.08.2008) Utklipp fra yr.no: Til helgen ventes rolige vindforhold, etter hvert stort sett opphold og perioder med pent vær. Omtrent uendrede temperaturforhold. Vindern får østlig retning, og det gir oftest veldig fint ver i Ulsteinvik!
Vi tek kort i baren!
(11.08.2008) Etter problema vi har hatt tidlegare år med tome minibankar i sentrum, har vi i år bestillt inn kortterminal til baren i teltet. Inngangspengar ser vi helst at folk betalar med kontantat, så reduserar vi kødannelse i døra. Det vil vere mulig å levere inn visakort i døra for registrering av inngang samt det som blir kjøpt i baren, for oppgjer på slutten av kvelden. Kortet blir belasta av Tellix As ( på kontoutskrifta di).
Generalsekretær i KYSTEN
(08.08.2008) Generalsekretær Per Hillesund besøker Trebåtfestivalen under åpningsarrangementet og det påfylgjande skipningsmøtet for Ulstein Kystlag!
Offisielt program!
(06.08.2008) Programmet for årets trebåtfestival er no offisielt. Du finn det her på nettsidene, eller i Regionavisa. Det vert også uttdelt programblad under festivalen! Ta del i vårt rikhaldige program, og ver med på å lage ein flott festival og folkefest! Velkomne!
Island Offshore sponsar Trebåtfestivalen!
(22.07.2008) Trebåtfestivalen har fått enda ein solid sponsor! Island Offshore frå Ulsteinvik, som er eit av dei større rederia i området, har valgt å bli "stor sponsor" for Trebåtfestivalen. Vi er svært glade for å få Island Offshore med på laget!
Grieg Logistics sponsar festivalen
(25.06.2008) Vi fekk i dag den gledelege nyheita om at Grieg Logistics vert med som stor sponsor av festivalen også i år! Grieg Logistics starta i fjor avdeling i Ulsteinvik, og vi er veldig glade for at dei nyttar høvet til å støtte Trebåtfestivalen!
Skjenkeløyve
(20.06.2008) Trebåtfestivalen har fått innvilga skjenkeløyve i festivalteltet,for Øl og vin, torsdag til laurdag frå kl 17 - 02. Festivalen har også fått løyve til uteservering.
Sparebank1 Hovudsponsor!
(19.05.2008) Vi har gleda av å presentere Sparebank1 Ulstein, som hovudsponor av festivalen, saman med Regionavisa!Vi er veldig takksame for responsen vi får frå næringslivet, og har no handlefridom til å gjere festivalen endå meir innhaldsrik og interressant!
Ulstein Marknadsforum med på laget!
(06.05.2008) Gruppa som representerer næringslivet i Ulstein Kommune, støttar Trebåtfestivalen, og er med på laget!
Friluftsgudstjeneste
(06.05.2008) Det blir friluftsgudstjeneste på Borgarøya søndag 17. august! Sjå programmet for meir info.
Ta Sjansen!
(25.06.2008) Det er no klart til å melde seg på Ta Sjansen. Klikk på Ta Sjansen-linken for påmelding-skjema.
WEBSHOP - genser
(08.04.2008) Offisiell Trebåtfestival genser kan bestillast på webshoppen til ullaholm båtklubb. Sjå websida www.ullaholm.no
Sponsor
(08.04.2008) Ulstein Verft har takka ja til å vere storsponsor for festivalen, Ulsmo AS har også takka ja til å sponse festivalen! Takk!
Hovudsponsor
(17.11.2008) Regionavisa har også i år takka ja til å vere hovudsponsor for Trebåtfestivalen. Vi er svært takksame for dette viktige samarbeidet, med ei av regionens største media bedrifter!
